Ջրասուզորդը քիչ է մնացել հայտնվի շնաձկան երախում (տեսանյութ)

Ջրասուզորդը նավի աստիճաններով իջել է ջուրը, ջրի մեջ տեսել է հսկայական շնաձկան և վերջին պահին կարողացել է հեռու ցատկել նրանից ու փախչել։ Համապատասխան տեսանյութը գրավել է Daily Star-ի ուշադրությունը։

Կադրերում երևում է, թե ինչպես է սուզվելուց առաջ կինը իջնում նավի աստիճաններով, գլուխն իջեցնում ջրի մեջ՝ պատրաստվելով լողալ։ Հանկարծ նա նկատում է մոտեցող շնաձկանը և արագորեն հետ բարձրանում նավ։

Մեկ վայրկյան անց ջրի մակերեսին հայտնվում է հսկայական գիշատիչ ձուկ։ Նա բացել էր բերանը՝ փորձելով բռնել ջրասուզորդին, որը քիչ էր մնում հայտնվեր իր երախում:

Միջադեպի ականատեսներից մեկը տեսախցիկով նկարահանել է միջադեպը և տեսանյութը տեղադրել TikTok-ում։ Տեսանյութը մեծ տարածում է գտել և ցնցել օգտատերերին։