Այրքում համագյուղացիները վիճել էին, մեկը մյուսին դանակահարել էր․ վիրավորը ասել էր՝ տանիքից է ընկել (տեսանյութ)
ՏեսանյութերՀոկտեմբերի 29-ի երեկոյան «Վարդենիս» բժշկական կենտրոնից ոստիկանության Վարդենիսի բաժին ահազանգ էր ստացվել, որ կտրած վերքով բուժօգնության է դիմել Այրք գյուղի բնակիչ 55-ամյա մի տղամարդ: Նա հայտնել էր, որ տանիքից ընկել է:
Բաժնի ծառայողների ձեռնարկած միջոցառումների արդյունքում պարզվել է, որ ժամը 21.30-ի սահմաններում Այրք գյուղում կենցաղային հարցերի շուրջ վիճաբանություն էր եղել հիվանդանոց տեղափոխվածի և 51-ամյա համագյուղացու միջև, որի ընթացքում էլ 51-ամյա տղամարդը դանակահարել էր բուժհաստատություն տեղափոխվածին: Նա ձերբակալվել է:
Խուզարկությամբ նրա մոտ հայտնաբերվել է մարիխուանայի նմանվող զանգված: Ձերբակալվածը ներկայացվել է Վարդենիսի քննչական բաժին, որտեղ նախաձեռնվել է քրեական վարույթ: Հանգամանքները նախաքննությամբ պարզվում են:
Ամենադիտված 
Մնաս բարյավ. Րաֆֆի Հովհաննիսյան
