iPhone XR-ը պայթել է տիրոջ ձեռքից ընկնելուց հետո (տեսանյութ)

Չինաստանի Չժեցզյան նահանգի Վենչժոու քաղաքի բնակիչը պատմել է, որ պատահաբար հատակին է գցել iPhone XR սմարթֆոնը, ինչից հետո գաջեթը բռնկվել է ու պայթել։ Այս մասին հայտնում է MyDrivers-ը։

Տղամարդու խոսքով՝ Apple-ի սարքի հետ միջադեպը տեղի է ունեցել դեկտեմբերի 25-ին՝ սմարթֆոնը լիցքավորելուց հետո։ Նա նաև նշել է, որ լիցքավորումից անմիջապես հետո զգացել է, որ կորպուսի ջերմաստիճանը սովորականից նկատելիորեն բարձր է։

«Ես վերցրեցի սմարթֆոնս և պատահաբար գցեցի այն: Երբ ես վերցրի iPhone-ը, սեղմեցի կոճակը, իսկ սմարթֆոնից սկսեց ծխել գնալ։ Ես այն գցեցի ձեռքիցս, սմարթֆոնը բռնկվեց, հետո պայթեց»,- պատմում է iPhone-ի սեփականատերը։

Խնդրահարույց սմարթֆոնը iPhone XR-ն է, որը ձեռք է բերվել 2019 թվականի վերջին Apple-ի ոչ պաշտոնական խանութից։ Բջջային սարքի օգտատիրոջ խոսքով՝ 2022 թվականի սկզբին նա սմարթֆոնի մարտկոցը փոխարինել էր նորով։