Ֆրանսիայի հարավ-արևմուտքում հորդառատ անձրևները դարձել են ջրհեղեղի պատճառ

Հորդառատ անձրևները Ֆրնասիայի հարավ-արևմուտքում դարձել են ջրհեղեղի պատճառ, հաղորդում է Вести.ru-ն: Գետերը դուրս են եկել ափերից, և ջրի մակարդակը այնքան է բարձրացել, որ ճանապահներով կարելի է միայն նավակներով անցնել: Տեղի բնակիչները, որոնք այնուամենայնիվ համարձակվեցին դուրս գալ փողոց, ստիպված են լինում մինչև ծնկները ջրի մեջ քայլել: Վտանգավոր շրջաններից մարդկանց տարհանում են ինքնաթիռներով: Լուրդ քաղաքից շտապ դւորս են բերել մոտ 500 ուխտավորի:

Նշենք, որ Լուրդը Եվրոպայում քրիստոնյաների համար ուխտավորության ամենահայտնի վայրն է: Ջրհեղեղի պատճառով Լուրդում փակված են գրեթե բոլոր սրբավայրերը: Տարերքը առանց էլեկտրականության է թողել մոտ 15 հազար տուն: