2 ավտովթար Երևան-Մեղրի ճանապարհին

Հոկտեմբերի 20-ին ժամը 20:30-ի սահմաններում ԱԻՆ-ում տեղեկություն է ստացվել, որ Երևան-Մեղրի ավտոճանապարհի 104-րդ կմ-ում տեղի է ունեցել ճանապարհատրանսպորտային պատահար: Չբացահայտված հանգամանքներում բախվել են «Միթսուբիշի Պաջերո» մակնիշի 17 ՕԼ 153 պետհամարանիշով (վարորդ՝ 1971թ. ծնված Հրահատ Առաքելյան) և «Օպել» մակնիշի 14 OS 570 պետհամարանիշով (վարորդ՝ 1990 թ. ծնված Անդրանիկ Եղյան) ավտոմեքենաները, ինչի հետևանքով Ա. Եղյանը մարմնական տարբեր վնասվածքներով տեղափոխվել է Եղեգնաձոր քաղաքի բժշկական կենտրոն: Բժիշկները տուժածի առողջական վիճակը գնահատել են բավարար:

Նույն օրը ժամը 23:00-ի սահմաններում Երևան-Մեղրի 190-րդ կմ-ի մոտակայքում ևս մեկ ավտովթար է տեղի ունեցել: Դեպքի վայր է մեկնել մեկ մարտական հաշվարկ: Նախարարությունը ավելի ուշ կտրամադրի լրացուցիչ տեղեկություն: