Ավտովթար Երևան-Մեղրի ավտոճանապարհին. վարորդը և ուղևորները չեն հայտնաբերվել

Հոկտեմբերի 20-ին, ժամը 22.39-֊ին ահազանգ է ստացվել, որ Երևան-Մեղրի ավտոճանապարհի 174֊–րդ կմ-ում (Գորհայք գյուղի հատված) տեղի է ունեցել ճանապարհատրանսպորտային պատահար, անհրաժեշտ է փրկարարների օգնությունը:

ԱԻՆ-ից տեղեկացնում են, որ դեպքի վայր է մեկնել մեկ մարտական հաշվարկ: Պարզվել է, որ «Մերսեդես» մակնիշի 21 սօ 191 պետհամարանիշով ավտոմեքենան (պատկանում է Կարեն Աղամյանին) դուրս է եկել երթևեկելի մասից և ընկել հարակից ձորը: Մեքենայի վարորդը և ուղևորները դեպքի վայրում չեն հայտնաբերվել: