Նավաստիները Բերմուդյան եռանկյունում «ուրվական նավ» են գտել (տեսանյութ, լուսանկարներ)

Նավաստիները Բերմուդյան եռանկյունում «ուրվական նավ» են հայտնաբերել: Այս մասին հայտնում է The Sun-ը։

Ocean Exploration Project-ի երկու նավաստիներ Ատլանտյան օվկիանոսում գտել են լքված զբոսանավ: Հետազոտողները նկատել են, որ նրա առագաստը իջած է, շարժիչը չի աշխատում, իսկ նավի վրա կյանքի նշաններ չկան։ Անհանգստանալով, որ նավի վրա կարող են զոհեր լինել, տղամարդիկ որոշել են բարձրանալ դրա վրա։

Թիմի անդամներից մեկը՝ Մեթ Ռադերֆորդը, նկարահանել է տեղի ունեցողը։ «Սա սարսափելի լքված առագաստանավ է՝ Woolfhound անվամբ: Ես չգիտեմ, թե ինչ կա ներսում: Հիմա կգնամ նայելու և հուսով եմ, որ դիեր կամ նման բան չեմ գտնի», - ասում է նա: Նավակում Ռադերֆորդը սկզբում վախենում էր բացել դռներն ու պահարանները։ Շուրջը նայելով՝ ասում է. «Փառք Աստծո, մահացածներ չկան։ Սա բացարձակ խելագարություն է։ Բերմուդներից 1,2 հազար կիլոմետր, ԱՄՆ-ից 2,4 հազար կիլոմետր, մենք կանգնած ենք օվկիանոսի մեջտեղում՝ Swan 48 զբոսանավի վրա։

Նավաստիները որոշել են զբոսանավը հասցնել ափ։ «Ծիծաղելի է, 14 մետրանոց զբոսանավ և 12 մետրանոց զբոսանավ: Մենք կփորձենք այն հասցնել Բերմուդյան կղզիներ»,- ասում է հետազոտողը: 47 օր ծովում մնալուց հետո զբոսանավերի վառելիքը սպառվել է, սակայն նրանք խնդրել են մոտեցող բեռնատար նավի անձնակազմին կիսվել վառելիքով։ Ռադերֆորդը և նրա ընկերը շարունակել են քարշակել խորհրդավոր զբոսանավը, բայց վերջում ստիպված եղան կտրել քարշակման պարանը, քանի որ այն կառչել էր իրենց նավի ղեկից և գրեթե կոտրում էր այն:

Համացանցային դետեկտիվները պարզել են, որ զբոսանավը պատկանել է Իռլանդական թագավորական զբոսանավերի ակումբի նավապետ Ալան ՄաքԳետինգանին։ Ռադերֆորդի հայտնաբերումից երկու ամիս առաջ զբոսանավը խիստ վնասվել էր փոթորկի ժամանակ։  ՄաքԳետինգանը միացրել է արտակարգ իրավիճակների փարոսը, և անձնակազմը ստիպված եղավ լքել նավը: Զբոսանավի նավապետին և նրա անձնակազմին փրկել է հունական բեռնանավը Բերմուդյան կղզիներից 100 կիլոմետր հեռավորության վրա։