Հայկական արվեստի ցուցանմուշները առաջինն էին Վարշավայի թագավորական պալատում (տեսանյութ)

Վարշավայի Zamek Królewski թագավորական պալատում օրեր առաջ մեր հայրենակից արվեստագետ Նարեկ Ավետիսյանի կազմակերպած ցուցադրությունում տեսաշարի միջոցով ներկաները հնարավորություն ունեցան ներկայացնելու Մարտիրս Սարյանի, Հարություն Գալենցի, Երվանդ Քոչարի, Աշոտ Հովհաննիսյանի և Մինաս Ավետիսյանի ստեղծագործական առանձնահատկություններին մասին մանրամասներ:
Նարեկ Ավետիսյանի «Simulacrum» նախագծի բացումը տեղի է ունեցել«Թագավորական պալատի» Թերեզա Սահակյանի հայկական գորգերի սրահում:

Նշենք, որ Վարշավայի թագավորական պալատը՝ Ազգային մշակույթի և պատմության հուշարձան է: Ժամանակին լինելով մի շարք թագավորների նստավայր, ծառայել է նաև ազգային ժողովի հավաքների համար: Այսօր այն թանգարան է, որտեղ ի թիվս այլ հավաքածուների պալատի հարավային թևում, ինչպես նաև գլխավոր մասնաշենքում գտնվում է նաև Թերեզա Սահակյանի արևելյան գորգերի հավաքածուի մշտական ցուցադրությունը: Հարուստ հավաքածուն ընդգրկում է 550 արևելյան, այդ թվում 350 կովկասյան գորգեր:

Միջոցառումը նախաձեռնել էր Մշակույթների «երկխոսություն»  հիմնադրամը, ի դեպ, հենց նրա տնօրենը lurer.com-ի հետ զրույցում տեղեկացրեց, որ ցուցահանդեսի նպատակը հայ ժաանակակից արվեստի հանրահռչակում էր Հայաստանի սահմաններից դուրս:

«Վարշավայի թագավորական պալատի աշխատակիցներից մեկը անցյալ տարի եղել էր Հայաստանում և երբ «Simulacrum» նախագիծը Երևանում ցուցադրվում էր նա այցելելով ցուցասրահ,  հավանել էր այն ,ապա Նարեկից խնդրել էր նախագծի պատկերագիրքը, որից հետո  վերադառնալով Վարշավա՝ այդ նախագիծը ներկայացրել էր այնտեղի թագավորական պալատի տնօրինությանը և նրանք ցանկություն էին հայտնել «Simulacrum» նախագիծը իրենց մոտ ցուցադրելու: Եվ Նարեկին հրավիրեցին:
«Simulacrum» նախագծը 2 անգամ ցուցադրվել է Երևանում, ապա Ժնևում: Իսկ Վարշավայից հետո այն կներկայացնենք Բեռլինում և Գերմանիայում:

Պետք է նշեմ, որ Վարշավայի թագավորական պալատը փակ կառույց է, որտեղ երբևէ ժամանակակից արվեստ չի ցուցադրվել և Նարեկ Ավետիսյանի «Simulacrum» նախագծը առաջինն էր, որ մուտք գործեց այնտեղ՝ այն էլ հայկական արվեստի նմուշների ցուցադրման համար:
Նախագիծը ոչ միայն կերպարվեստ է, այլ նրան կցված է նաև անիմացիոն շարք և երաժշտություն, որը հատուկ այս նախագծի համար գրել էր Վահան Արծրունին»-հավելեց վիջինս:

 .