Մահացել է Earth, Wind & Fire-ի թմբկահար Ֆրեդ Ուայթը

Հունվարի 2-ին մահացել է Earth, Wind & Fire սոուլ խմբի թմբկահար Ֆրեդ Ուայթը 67 տարեկան հասակում, գրում է Variety-ն։ Մահվան պատճառն այս պահին հայտնի չէ։

Երաժիշտը Earth, Wind & Fire-ի հիմնադիր Մորիս Ուայթի կրտսեր եղբայրն էր։ Նա նվագում էր հարվածային գործիքներ 1974-1984 թվականներին՝ ժամանակաշրջան, որը համարվում է խմբի համար լավագույններից մեկը։ Ուայթը մասնակցել է That's the Way of the World, Gratitude, Spirit, All n' All, I Am, Faces, Raise!, Powerlight, Electric Universe ալբոմների և «September» սինգլի ձայնագրությանը։