Der Spiegel. Հզոր պայթյուն է որոտացել Դամասկոսի կենտրոնում (տեսանյութ)

Հզոր պայթյունը ցնցել է Սիրիայի մայրաքաղաք Դամասկոսը: Ազգային հեռուստաընկերության հաղորդած տեղեկություններով' պայթյունը տեղի է ունեցել մայրաքաղաքի հին քաղաքի հատվածում: Ականատեսների վկայությամբ' գործի է դրվել ինքնաշեն ռումբ: Անվտանգության ուժերը հայտնում են մի քանի զոհերի մասին:

Սիրիայի մայրաքաղաք Դամասկոսի հին քաղաքի հատվածում' Բաբ Թումայում, կիրակի օրը որոտացած այս պայթյունի հետևանքով զոհվել է նվազագույնը 7 մարդ, ևս տասնյակները վիրավորվել են: Իշխանությունները հաղորդում են, որ ակցիայի նպատակն է եղել Բաբ Թումայում գտնվող ոստիկանության շենքը:

Ականատեսները պատմում են, որ նռնակը տեղադրված է եղել մեքենայի մեջ: Պայթյունի արդյունքում այրվել են բազմաթիվ փոխադրամիջոցներ, դեպքի վայր են շտապում շտապօգնության մեքենաները: Թաղամասը շրջափակված է անվտանգության ուժերով:

Նշենք, որ պայթյունը կազմակերպվել էր հենց այս օրերին, երբ Դամասկոսում է գտնվում Սիրիայի հարցով Արաբական երկրիների լիգայի և ՄԱԿ-ի հատուկ ներկայացուցիչ Լախդար Բրահիմին, ով նպատակ ուներ թեկուզև ժամանակավոր խաղաղություն կնքել հակամարտող կողմերի միջև մուսուլմանական գլխավոր տոներից մեկի' Զոհաբերության տոնի կապակցությամբ (Աիդ ալ Ադհա կամ Կուրբան Բայրամ թուրքալեզու ժողովուրդների մոտ Ծնթ. Լուրեր.com):