«Ժառանգություն»-ում ավարտվեց քաղաքական խորհրդակցությունը

Քիչ առաջ ավարտվեց «Ժառանգություն» կուսակցությունում հրավիրված քաղաքական խորհրդակցությունը: «Խորհրդակցության ընթացքում քննարկվել են ներքաղաքական խնդիրներ, նախագահական ընտրություններին ընդառաջ՝ կուսակցության տարածքային, մարզային ռեսուրսները մոբիլիզացնելու հարցը և հատկապես՝ տեղամասային ընտրական հանձնաժողովներում ամբողջական համալրման խնդիրը: Հատուկ անդրադարձ է եղել թիվ 1 ընտրատարածքին, որտեղ առաջադրվել է կուսակցության անդամ Ստյոպա Սաֆարյանը»: Այս մասին Lurer.com-ի հետ զրույցում ասաց կուսակցության մամլո խոսնակ Հովսեփ Խուրշուդյանը:

Հարցին`  արդյոք քննարկվել է «Ժառանգություն» խմբակցության անդամ Խաչատուր Քոքոբելյանի հարցը, Հովսեփ Խուրշուդյանը պատասխանեց, որ «Ժառանգություն» խմբակցության նիստը տեղի կունենա վաղը, որի ընթացքում էլ խմբակցությունը, եթե հարկ համարի կանդրադառնա այդ խնդրին ևս: