Ջրիմուռների ծաղկումից կատաղած ծովակատուն հարձակվել է դերասանուհու վրա (տեսանյութ)

Հարավաֆրիկյան Հանրապետությունում ծովակատվի ձագը կծել է ծովում լողացող զբոսաշրջիկին և տեսագրվել։ Միջադեպի տեսանյութն ու մանրամասները հրապարակում է New York Post-ը։

Տուժածը հարավաֆրիկյան ծագմամբ ամերիկացի դերասանուհի Լուլու Թեյլորն է: Կադրերում երևում է, թե ինչպես են լողափում հանգստացողները վախից դուրս վազում ծովից, իսկ ծովակատուն լողալով մոտենում է ջրի մեջ մնացած աղջկան։ Այնուհետև կենդանին նետվում է Թեյլորի վրա:

Մի քանի տղամարդ շտապում են օգնության. նրանցից մեկը բառացիորեն պոկում է կատվին զբոսաշրջիկից՝ բռնելով նրա պոչից ու թաթից։ Ավելի ուշ փրկարարը կենդանուն նետում է ջուրը։ Նշվում է, որ, ըստ վայրի բնության մասնագետների, փոկերի անհանգիստ պահվածքը կապված է գլխուղեղի ուռուցքի հետ, որն առաջանում է կարմիր ջրիմուռների ծաղկումից թունավորվելու հետևանքով։

Hout Bay Seal Rescue Center-ի ներկայացուցիչները նշում են, որ կենդանին սթրեսի է ենթարկվել մեծ բազմության պատճառով։ Նրանց կարծիքով՝ սա նորմալ պահվածք է նմանատիպ իրավիճակում հայտնված ցանկացած գիշատչի համար։ «Լողափի սիրահարների բախտը բերել է… Մեկ տարեկան երեխա էր, մոտ մեկ տարեկան, կարծես 10 կիլոգրամից ոչ ավել էր կշռում: Եթե ​​չափահաս փոկ լիներ, վերնագրերը շատ տարբեր կլինեին»,- հավելել են նրանք: