«Մենք լիարժեք բավարարված չենք հանդիպումից». կացարանում հրդեհից մահացած զինվորի հայրը՝ զինդատախազի հետ հանդիպման մասին

Մենք լիարժեք բավարարված չենք ՀՀ զինվորական դատախազ Գրիգոր Էլիզբարյանի հետ հանդիպումից: Այս մասին այսօր՝ մարտի 30-ին, լրագրողների հետ զրույցում ասաց Ազատ գյուղում զինվորական կացարանի ողբերգական հրդեհից մահացած զինծառայողներից  Գագիկ Բարսեղյանի հայրը՝ Արման Բարսեղյանը: Այս մասին հաղորդում է News.am-ը։

Նշենք, որ այսօր ողբերգական հրդեհից մահացած զինծառայողների ծնողները հանդիպել են զինդատախազի հետ:

«Ամբողջը քննչական գործողության փուլում է, գաղտնիք է, չենք կարող բացահայտել: Հույս ունենք, որ գործը ճիշտ ուղղությամբ է գնում: Հարցերը տվել ենք, դրանց շրջանակներում քննություն է ընթանում, նախաքննական գաղտնիք ես չեմ կարող հայտնեմ: Մենք լիարժեք բավարարված չենք հանդիպումից»,- պատասխանեց զինծառայողի հայրը:

Նշենք, որ գործով տուժող ճանաչված ծնողները դժգոհ են եւ՛ վարույթն իրականացնող մարմնից, եւ՛ պետական կառույցներից: Նրանց ներկայացուցիչ, փաստաբան Նորայր Նորիկյանը դեպքի հանգամանքները պարզելու նպատակով մի քանի տասնյակ գրություններ է ուղարկել տարբեր կառույցների, սակայն պատասխանները ծնողներին չեն գոհացրել:

Մանրամասները՝ սկզբնաղբյուր կայքում։