Դրեյքն իր նոր երգում հիշատակել է Քիմ Քարդաշյանի խոսքերը՝ Քանյե Ուեսթից բաժանվելու մասին

Ռեփեր Դրեյքը հրապարակել է «Փրկիր ինձ» թրեքը, որում հիշատակվում է հեռուստաաստղ Քիմ Քարդաշյանի և  Քանյե Ուեսթի ամուսնալուծության մասին դրվագը, գրում է Page Six-ը։

Իր նոր երգում երաժիշտը մեջբերում է անում Քարդաշյանի մենախոսությունից 2021 թվականին Keeping Up With the Kardashians-ի սեզոնի վերջնամասում: Այդ ժամանակ գործարար կինը հրապարակավ հայտարարել էր, որ մտադիր է ամուսնալուծվել Քանյե Ուեսթից։

Շատ երկրպագուներ ենթադրել են, որ նոր թրեքում Դրեյքը որոշել է վիրավորել Քանյե Ուեսթին՝ հիշատակելով նրա նախկին կնոջը։ Ոմանք ենթադրել են, որ այս կերպ ռեփերը ակնարկում է, որ ինքը ևս հարաբերությունների մեջ է եղել Քարդաշյանի հետ, սակայն հեռուստաաստղը մեկ անգամ չէ, որ հրապարակայնորեն հերքել է Դրեյքի հետ իր սիրավեպը։

Հունվարի 13-ին հայտնի դարձավ, որ Քանյե Ուեսթը գաղտնի ամուսնացել է իր Yeezy ապրանքանիշի աշխատակցի՝ Բիանկա Սենսորիի հետ։ Ինչպես նշում է TMZ-ն, նրանք պաշտոնապես չեն կնքել իրենց ամուսնությունը, սակայն տոնակատարությունն արդեն կայացել է, իսկ ռեփերն ու նրա նոր կինը ամուսնական մատանիներ են կրում։