Էմիլի Ռատակովսկին հաստատել է Հարի Սթայլսի հետ սիրավեպը

Ամերիկացի մոդել Էմիլի Ռատակովսկին հաստատել է սիրավեպը բրիտանացի երգիչ Հարի Սթայլսի հետ։ Այս մասին նա հայտարարել է «High Low with EmRata» փոդքասթի նոր դրվագում:

31-ամյա հայտնին անկեղծացել է, որ երկու ամիս գաղտնի հանդիպել է արտիստի հետ։ Նրա խոսքով՝ իրենց ռոմանտիկ հարաբերություններն սկսվել են փետրվարին, և ինքը հույս ունի, որ դրանք երկարաժամկետ կլինեն։ «Ես սկսել եմ հանդիպել մեկի հետ, ում նման եմ։ Այնպես որ այս հարաբերությունները կարծես այլ լինեն: Ես այն ժամանակ մտածում էի` «Ինչ լավ տղա է»», - խոստովանել է մոդելը:

Բացի այդ, աստղը նշել է, որ տղամարդկանց մեջ ամենաշատը գնահատում է անկախությունը։ «Կարծում եմ, որ սա շատ կարևոր է ինձ համար, քանի որ ես ինքս շատ հագեցած կյանք ունեմ», - պարզաբանել է նա:

Մարտին համացանցում հայտնվեց Էմիլի Ռատակովսկու և Հարի Սթայլսի համբուրվող տեսանյութը։ Ականատեսների նկարահանած կադրերում հայտնիները նկարահանվել էին մոխրագույն մեքենայում։