Toyota-ի վարորդը վթարի է ենթարկվել․ նա 6 ամսական տղային տեղափոխում էր հիվանդանոց

Այսօր՝ ապրիլի 6-ին, ավտովթար է տեղի ունեցել Երևանում: Ժամը 21:30-ի սահմաններում Արմավիրի մարզի բնակիչ, 29-ամյա Գևորգ Ա.-ն իր վարած Toyota մակնիշի ավտոմեքենայով Իսակովի պողոտայում դուրս է եկել ճանապարհի երթևեկելի գոտուց, բախվել բետոնե եզրաքարերին, ապա հայտնվել  Ռուս Ուղղափառ եկեղեցու դիմացի կանաչ գոտում: 

Shamshyan.com-ի հաղորդմամբ՝ վթարի հետևանքով 6 ամսական տղա երեխան տեղափոխվել է «Աստղիկ» բժշկական կենտրոն, որտեղ առաջին բուժօգնությունը ստանալուց հետո երեխային տեղափոխել են «Սուրբ Աստվածամայր» բժշկական կենտրոն: 

Դեպքի փաստով քննչական բաժնում նախաձեռնվել է վարույթ:

Աղբյուրի հաղորդմամբ՝ ավտոմեքենան վթարի է ենթարկվել այն բանից հետո, երբ 6 ամսական տղայի ինքնազգացողությունը վատացել է և հարազատները նրան տեղափոխելիս են եղել Երևանի «Սուրբ Աստվածամայր» բժշկական կենտրոն, սակայն ճանապարհին վթարի են ենթարկվել: