Նուբարաշենում տղամարդը սպառնացել է ինքնասպան լինել, ապա հրկիզել է տան գույքը

Այսօր՝ ապրիլի 19-ին, արտակարգ դեպք է տեղի ունեցել Երևանում։ Ժամը 04։45-ի սահմաններում ՀՀ ներքին գործերի նախարարության Փրկարար Ծառայության 911 ճգնաժամային կառավարման ազգային կենտրոն ահազանգ է ստացվել, որ Նուբարաշեն վարչական շրջանի շենքերից մեկի բնակիչը տանը սպառնում է ինքնասպանություն գործել, և լուսամուտից նկատվում է ծուխ։ Այս մասին հայտնում է Shamshyan.com-ը։

Պարզվել է՝ Նուբարաշեն 11 փողոցի 11 շենքի 3-րդ հարկի բնակարանի բնակիչը ներսում կոտրում է գույքը և սպառնում է, որ ինքն իրեն կվնասի։

Տեղում նույն վաշտի պարեկներ Կարեն Սարգսյանն ու Դավիթ Մադոյանը, Ոստիկանության Նուբարաշենի բաժանմունքի քրեական հետախուզության խմբի ավագ օպեր լիազոր Կարեն Դավթյանն ու Ոստիկանության Էրեբունու բաժնի համայնքային ոստիկանության բաժանմունքի տեսուչ Արթուր Դումանյանը սահմանազատել են տարածքը, տեղում իրականացրել ուժեղացված ծառայություն, որպեսզի հետաքրքրասեր քաղաքացիները և ինքնասպանության փորձ կարտարողի հարևանները չհավավքեն և չխոչընդոտեն փրկարարների, փրկարար հոգեբանի և բժիշկների աշխատանքը։

Մոտ 2 ժամ փորձում էին այդ տղամարդու հետ բանակցույթունների արդյունքում հասնել նրան, որ նա չդիմի այդ քայլին, սակայն վերջինս, կոտրելով լուսամուտների ապակիները, տանից իրեր էր նետում ցած։

Որոշ ժամանակ անց նկատվեց, որ լուսամուտից ծուխն ավելի ակնհայտ է երևում, ապա բացվեց տան դուռը ու այդ ժամանակ տղամարդը ընկավ աստիճաններին։

Տեղում ոստիկանները, բժիշկները, փրկարարները սկսեցին անհրաժեշտ օգնություն ցուցաբերել, ապա ՀՀ ՆԳՆ Ոստիկանության Պարեկային ծառայության  1-ին գումարտակի 3-րդ վաշտի պարեկներ  Գեղամ Բաբայանն ու Սամվել Հակոբյանը Շտապօգնության ավտոմեքենան ուղեկցեցեին Այրվածքաբանության կենտրոն։ 

Այս պահին Ոստիկանության Նուբարաշեն բաժանմունքի պետ Կ․ Հովհաննիսյանի և բաժանմունքի պետի տեղակալ Գևորգ Ամյանի գլխավորությամբ՝ սպասում են, որ քանի հնարավոր է՝ դեպքի վայր ժամանեն Հայաստանի քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջաների քննչական բաժնի խումբը։ 

Դեպքի վայրում հավաքված մի քանի քաղաքացիներ, ովքեր հրաժարվեցին տեսախցիկի առաջ խոսել, ասում էին, որ մինչ այս դեպքը տղամարդը գնացել է իր ընկերուհու տուն, սպառնալիքներ է հնչեցրել նրա հասցեին, ապա վերադառնալով նշված բնակարան, նման գործողություններ է կատարել։

Տղամարդը Նուբարաշենի բնակիչ 44-ամյա Համբարձում Աղաջանյանն է, ով Նուբարաշենում հայտնի է որպես սպիրտի նկատմամբ հակում ունեցող։