Ամերիկացին ընկել է իր ննջարանի տակ առաջացած 30 մետրանոց փոսը

ԱՄՆ-ում տղամարդն ընկել է 30 մետրանոց փոսը, որն առաջացել էր իր ննջասենյակի տակ գրունտի փլուզման հետևանքով, գրում է Mirror-ը։ Դրանից հետո նրան ոչ ոք չի տեսել։

Անհետացած Ջեֆրիի եղբոր՝ Ջերեմիի խոսքով՝ դեպքը տեղի է ունեցել 2003 թվականին Ֆլորիդայում։ Տղամարդը լսել է, թե ինչպես է իր եղբայրը օգնություն խնդրում և վազել դեպի նրա ձայնը։ Ննջասենյակի տեղում մի հսկայական փոս կար, որի մեջ ընկած էր ամերիկացին և այն արագորեն լցվում էր ցեխով։

«Նա գոռում էր իմ անունը։ Ես կարող էի երդվել, որ լսել եմ, թե ինչպես է նա գոռում իմ անունը»,- ասել է տղամարդը:

Երկու տասնամյակ անց Ջեֆրիի մարմինն այդպես էլ չի գտնվել, ուստի նա մահացած է համարվում: Ինժեներները տունը չափազանց վտանգավոր են համարել և արգելել են հետագա որոնողական աշխատանքներն այնտեղ, հիշում է Ջերեմին:

Փորձագետներն ասում են, որ խորտակումները հատկապես տարածված են Ֆլորիդայում՝ հողի տակ գտնվող կրաքարի պատճառով, որը կարող է աստիճանաբար լուծվել անձրևաջրում: