Քննիչի նման գործելաոճը սահմանադրության կոպտագույն խախտում է, հաշվեհարդար՝ կալանքի տակ գտնվող Արտակ Գալստյան նկատմամբ. Լևոն Բաղդասարյան
Իրավունք
Փաստաբան Լևոն Բաղդասարյանի հայտարարությունը.
«Բազմիցս եմ հրապարակային և տարբեր հարթակներում բարձրաձայնել, որ անթույլատրելի և կործանարար է ընտրովի արդարադատությունը։ Արտակ Գալստյանի գործով նրա մերձավոր ազգականի դիմումն ուղարկվել է քննիչ Քաջազունուն, ում վարույթում է գտնվում գործը, որպեսզի օրենքի ուժով անհապաղ դիմումին ընթացք տա կամ շահագրգիռ անձին տեղեկացնի, թե որ ժամին է հնարավոր, որպեսզի իր վրա դրված պարտականությունը կատարի և ներգրավի փաստաբան։
Քննիչն արդեն մի քանի ժամ է, որը կաբինետում նստած շփվում է ոստիկանի միջոցով, չի արձագանքում հեռախոսազանգերին և ասում է՝ սպասեք իմ գործընկերոջը։ Քննիչի նման վարքի ու իմ կարծիքով արհամարհական գործողությունների մասին իրազեկվել է մարդու իրավունքների պաշտպանի գրասենյակը։
Այժմ իրազեկում եմ գլխավոր դատախազին։ Նման գործելաոճը դիտում եմ սահմանադրության կոպտագույն խախտում, հաշվեհարդար կալանքի տակ գտնվող անձի նկատմամբ, տոտալ խոշտանգում՝ բխող իրավական հետևանքներով»։
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
