Երգչուհի Սիան պատմել է իր հոգեկան խանգարման մասին

Ավստրալացի 47-ամյա երգչուհի Սիան (իսկական անունը՝ Սիա Քեյթ Իզոբել Ֆերլեր) առաջին անգամ խոստովանել է, որ իր մոտ աուտիզմի սպեկտրի խանգարում է ախտորոշվել։ Երգչուհուն, ով ելույթ է ունեցել Rob Has a Podcast փոդքասթում, մեջբերել է People-ը:

Սիայի խոսքով՝ նախկինում ինքն ամաչում էր իր հոգեկան առողջության հետ կապված խնդիրների համար։ «45 տարի ես մտածում էի՝ լավ, ժամանակն է հագնել մարդու կոստյում։ Եվ միայն վերջին երկու տարում ես դարձա այնպիսին, ինչպիսին կամ։ Ոչ ոք չի կարող ճանաչել և սիրել քեզ, երբ դու լի ես գաղտնիքներով և ամաչում ես քեզնից»,- կիսվել է արտիստն իր մտքերով։

Նա խոսել է նաև խմբակային թերապիայի իր փորձի մասին և նշել, որ այժմ իրեն լավ է զգում։ «Դու նստում ես անծանոթների առջև, պատմում նրանց քո ամենախորը, ամենամութ, ամենախայտառակ գաղտնիքները, և բոլորը միասին ծիծաղում են, և ոչ ոք կյանքում առաջին անգամ իրեն աղբ չի զգում: Մեզ տեսնում են այնպիսին, ինչպիսին կանք, և դրանից հետո կարող ես քեզ ցույց տալ աշխարհին, ապրել ինչպես մարդիկ, չձևացնել, թե ուրիշ մեկն ես»,- ասել է Սիան։