Մայրը սպանել է երեխային Ղուրանն անգիր անել չկարողանալու պատճառով

Ուելսի Քարդիֆ քաղաքում դատավարություն է ընթանում մանկասպան կնոջ գործով, ով սպանել է իր 7-ամյա երեխային այն բանի համար, որ վերջինս չի կարողացել անգիր սովորել մուսուլմանների սրբազան գիրքը՝ Ղուրանը. հայտնում է The Daily Telegraph-ը: Մեղադրյալի աթոռին հայտնված կինը 32-ամյա Սառա Էջն է:

Ինչպես երևում է գործին կից նյութերից, մայրը շատ բարկացած է եղել 7-ամյա Յասինի վրա այն բանի պատճառով, որ վերջինս ոչ մի կերպ չի կարողացել Ղուրանի հատվածներն անգիր սովորել: Այդ ժամանակ կինը վերցրել է փայտը և դաժան ծեծի ենթարկել երեխային: Հանցագործությունը կատարվել է 2010թ. հուլիսին. գրում է The Daily Mail-ը:

Ստացված վնասվածքներից երեխան մահացել էր, իսկ մայրը փորձել էր թաքցնել հետքերը՝ վառելով դիակը խորոված միս պատրաստելու համար նախատեսված եռացրած հեղուկով: Այնուհետև նա զանգահարել էր հրշեջ ծառայություն, որն էլ գտել է այրված դին:

Ոստիկանությունը նախապես ենթադրել էր, որ տղան այրվել է կրակից, սակայն փորձաքննությունն ապացուցեց, որ տղան նախքան մահը բազմիցս կտտանքների է ենթարկվել:

Մայրը չի հերքել իրեն ներկայացվող մեղադրանքները, ասելով, որ ստիպում էր տղային անգիր սովորել Ղուրանը: Իսկ թերացումների ժամանակ նաև ուժ էր գործադրում: Սակայն սպանել իր տղային նրան դրդել է «շեյթանը»՝ սատանան. հայտնել է երեխային սպանած մայրը: