Ինչն է հանգեցնում պետական համակարգից որակյալ կադրերի արտահոսքին

Տիգրան Աբրահամյանը facebook սոցցանցի իր էջում գրել է.

«Պետական համակարգի հիմնական խնդիրներից մեկը «հաստիքային ուռճացվածությունն» է, այդ թվում՝ կադրային քաղաքականությունը: Կան բավականին շատ պետական հիմնարկներ ու նախարարություններ, որտեղ մարդկանց որոշակի կայուն զանգված զբաղված է կա՛մ սուրճ խմելով, կա՛մ էլ, լավագույն դեպքում, թուղթ տեղափոխելով: Իհարկե, հասկանալի է, որ այդ «կոշտուկը» ձևավորման 2 տասնամյակ է անցել, ու այսօր դրա կարգավորումը սոցիալական տեսանկյունից բավականին ցավոտ է լինելու: Սակայն խնդիրը հասել է մի կետի, որից այն կողմ այս խնդիրը չի կարող չլուծված մնալ: Համակարգի արդյունավետ կառավարման տեսանկյունից այդ փոփոխություններն անհրաժեշտություն են: Դա նաև հնարավորություն կտա բարձրացնել պետական համակարգի աշխատողների աշխատավարձերը, որոնք, մեղմ ասած, այդքան էլ բարձր չեն:

Հ.Գ. Կարծում եմ՝ պետական համակարգն առնվազն 20-25%-ով ուռճացված է:
Հ.Գ.2 Պետական համակարգում աշխատավարձերը բավականին ցածր են, ինչն էլ հանգեցնում է պետական համակարգից որակյալ կադրերի արտահոսքին»: