Աբասը ցանկանում է վերականգնել Պաղեստինի 1967թ. սահմանները

Պաղեստինի առաջնորդ Մահմուդ Աբասը հայտարարել է, որ երազում է վերականգնել «Անկախ Պաղեստինն իր 1967թ. սահմաններով»՝ չնայած այն հանգամանքին, որ նա ծնվել է Իսրայելի կողմից օկուպացված հողերի սահմաններից դուրս: Ավելի վաղ իսրայելական կառավարությունը Աբասի կողմից Facebook-ում արված գրառման հիման վրա մեղադրել էր պաղեստինյան առաջնորդին 1948 թվականի սահմանները վերականգնել ցանկանալու մեջ:

Պաղեստինի նախագահը հերքել է այս ենթադրությունն իսրայելական երկրորդ հեռուստաալիքին տված հարցազրույցում, հայտարարելով, որ ընդունում է իր հարազատ Սաֆեդ քաղաքի՝ Իսրայելին պատկանելու փաստը և չէր ցանկանա վերադառնալ այնտեղ: Նշենք, որ արդեն կես դար է, պաղեստինցիները պայքարում են արաբ փախստականների՝ իրենց հարազատ բնակավայրեր վերադառնալու իրավունքի համար, անգամ եթե նրանք այժմ գտնվում են Իսրայելի տարածքում: Իսրայելի կառավարությունն իր հերթին միշտ մերժել է այս պահանջը. փոխանցում է Korrespondent.net-ը: