Հրանտ Բագրատյան. Իմ սիրտ-անոթային համակարգը կարող է չդիմանալ
Վերջին լուրեր
«2013թ. պետական բյուջեի նախագիծը ծայրահեղ անբավարար է պրոֆեսիոնալ տեսանկյունից»,-այսօր լրագրողների հետ հանդիպմանն ասաց ՀԱԿ խմբակցության պատգամավոր Հրանտ Բագրատյանը, նշելով, որ բյուջեի վերաբերյալ վերջնական կարծիքներն առավել պարզորոշ կդառնան նոյեմբերի վերջում, երբ կավարտվեն քննարկումներն ու ուսումնասիրությունները:
Հրանտ Բագրատյանի պնդմամբ՝ ստվերը կրճատելու ուղղությամբ ոչ մի քայլ չի արվել, և եկամուտների ողջ բեռն ընկել է փոքր և միջին բիզնեսի վրա։ «Տնտեսության մեջ կան էլիտար ոլորտներ, որոնց ձեռք տալ չի կարելի, փոխարենը ճնշվում են փոքր և միջին բիզնեսի ձեռնարկությունները: Տարբեր տրամաբանական դաշտերում ենք, չեմ կարողանում հասկանալ իրենց տրամաբանությունը»։
Բագրատյանը նշում է, որ Վրաստանում ստվերային տնտեսությունը գնահատվում է 61%, իսկ Հայաստանում՝ 51%. դա այն դեպքում, որ Վրաստանում 1 շնչի հաշվով բյուջեն կազմում է 1500 դոլար, իսկ Հայաստանում 900 դոլար։
«Իմ հաշվարկներով՝ 2013-ին Հայաստանում կենսամակարդակը կնվազի 5%-ով, իսկ 2014-ին՝ ևս 5%-ով՝ կապված պարտադիր կուտակային կենսաթոշակային համակարգի ներդրման հետ»,-ասել է նա։
ՀԱԿ պատգամավորը, անդրադառնալով ՀՀ կառավարության և իշխանությունների հայտարարված հակակոռուպցիոն պայքարի թեմային, ասել է. «Իմ սիրտ-անոթային համակարգը կարող է չդիմանալ, եթե պատասխանեմ այդ հարցին»։
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
