Ի՞նչ է լինելու «Ժառանգության» ճակատագիրը, եթե Րաֆֆին նախագահ չընտրվի

Տիգրան Աբրահամյանը facebook սոցցանցի իր էջում գրել է.

««Ժառանգություն» կուսակցության առաջնորդ Րաֆֆի Հովհաննիսյանը հայտարարել է, որ առաջիկա նախագահական ընտրություններին առաջադրվելու է՝ առաջին և վերջին անգամ: Միջազգային պրակտիկայի տեսանկյունից, Ր. Հովհաննիսյանի հայտարարությունը տեղին է: Միայն Հայաստանում են հանդիպում գործիչներ, ովքեր կարող են 3-4 անգամ առաջադրվել, ու կարևոր չէ, որ նրանք ամեն անգամ 0-ին ձգտող ձայներ են հավաքում: Սակայն Հովհաննիսյանի հայտարարությունը մեկ այլ հարցադրման է բերում: Իսկ ի՞նչ է լինելու «Ժառանգության» ճակատագիրը, եթե Րաֆֆին նախագահ չընտրվի (ավելի վաղ վերջինս չէր ընդունել մանդատը): Համենայնդեպս, մինչև այժմ հասարակության մի հսկայական զանգվածի համար Րաֆֆիի քայլերի տրամանաբությունը մնում է անհասկանալի, իսկ կուսակցության ճակատագիրը՝ անորոշ: Եթե մի քանի տարի առաջ մի շարք վերլուծաբաններ կանխատեսում էին, որ 2013 թվականի նախագահական ընտրություններին ընդառաջ ընդդիմադիր զանգվածը միավորելու ամենամեծ պոտենցիալ ունեցող գործիչներից մեկը հենց Րաֆֆին է, ապա այսօր դրա հնարավորությունը բավականին փոքր է: Այս ամենին հանգեցրել են ոչ թե «Ժառանգության» ներկայացուցիչների, այլ անձամբ Րաֆֆիի քայլերն ու որդեգրած մարտավարությունը (շարունակելի)»: