Յուրա Մովսիսյանը միանշանակ հիանալի խաղացող է. Բեսչաստնիխ

Ռուսաստանի հավաքականի և «Սպարտակի» նախկին հարձակվող Վլադիմիր Բեսչաստնիխը խոսել է Ռուսաստանի առաջնության լավագույն ռմբարկուների՝ Յուրա Մովսիսյանի, Ալեքսանդր Կերժակովի և Նեկուի միջև պայքարի մասին, նշելով, որ Կերժակովն այս մրցավազքում հաղթելու ավելի մեծ հնարավորություն ունի: 

«Բոլոր երեք ֆուտբոլիստները ռմբարկուական պայքարում իրենց շատ լավ են դրսևորում։ Եթե անկեղծ, շատ քիչ եմ տեսել Նեկուի խաղը։ Իսկ ահա Մովսիսյանը միանշանակ հիանալի խաղացող է։ Ընդ որում, գոլերի մեծ մասը նա ինքն է ստեղծում, ինչը հարձակվողի համար կարևոր հատկանիշ է։ Սակայն, այնուամենայնիվ, այս պայքարում Կերժակովն ավելի մեծ հնարավորություններ ունի, առաջին հերթին այն պատճառով, որ նրա ակումբն ավելի ուժեղ է, քան մյուս երկուսինը։ Բացի այդ, Ալեքսանդրն ավելի քիչ է վրիպում»։

Բեսչաստնիխի խոսքերը մեջբերում է sport-express-ը։