Դատարանը մերժեց Տիգրան Առաքելյանին ազատ արձակելու միջնորդությունը

Քիչ առաջ դատարանը մերժեց քաղբանտարկյալ Տիգրան Առաքելյանի փաստաբան Վահե Գրիգորյանի կողմից ներկայացված այն միջնորդությունը, որով առաջարկվում էր Տիգրան Առաքելյանի նկատմամբ խափանման միջոցը փոխել և ազատ արձակել:

Ինչպես իր խոսքում նշել էր փաստաբան Վահե Գրիգորյանը, «չկան բավարար և անհրաժեշտ հիմքեր»:

Նշենք, որ նիստերի դահլիճում Տիգրան Առաքելյանը փորձեց հայտարարությամբ հանդես գալ, սակայն դատարանը նրան թույլ չտվեց:

«Սա ընդամենը միջոցառում է, ոչ թե դատավարություն»,- այսպես որակեց Տիգրան Առաքելյանը դատավարության ընթացքը և բացականչեց «պայքա՜ր, պայքա՜ր մինչև վերջ», երբ նրան դուրս էին տանում դահլիճից:

Դատական նիստը հետաձգվեց։ Հաջորդ դատական նիստը նշանակվեց նոյեմբերի 12-ին։

Նիստը հետաձգվեց, քանի որ դատարանում ներկա չէին քաղբանտարկյալների պաշտպանները, ամբաստանյալները հրաժարվեցին դատը շարունակել առանց պաշտպանների։