Դիդյե Դրոգբան` «Չելսիի» պատմության լավագույն խաղացող

«Չելսիի» պաշտոնական ամսագիրը հարցում է անցկացրել, համաձայն որի՝ հարձակվող Դիդյե Դրոգբան ակումբի պատմության լավագույն խաղացող է ճանաչվել։ Հարցմանը մասնակցել է 20.000 մարդ։

Հարցման արդյունքում Դրոգբան գերազանցել է Ֆրենկ Լեմպարդին (2-րդ հորիզոնական) և Ջոն Թերիին (4-րդ հորիզոնական), Ջանֆրանկո Ձոլային, Դենիս Ուայզին։

«Շնորհակալ եմ բոլոր երկրպագուներին, ովքեր քվեարկել են իմ օգտին։ Սա մեծ պատիվ է ինձ համար։ Հպարտ եմ, որ մինչև ինձ և ինձանից հետո ակումբն ունեցել է մեծ խաղացողներ։ Այդպիսի մեծ անունների կողքին հայտնվելն իսկապես մեծ պատիվ է ինձ համար։ Ուրախ եմ, որ դարձել էեմ «Չելսիի» պատմության մի մասը։ Հիացած եմ այս մրցանակով»,-Դրոգբան հայտարարել է իր թվիթերյան էջում։

Նշենք, որ «Չելսիի» 100 մեծագույն ֆուտբոլիստների ցանկում ընդգրկվել են նաև Ֆլորան Մալուդան, Ֆերնանդո Տորեսը, Սալամոն Կալուն, իսկ Միխայել Բալակը ցանկում գերազանցել է Էշլի Քոուլին, Կլոդ Մակելելեին։