Agence France-Presse. «Pussy Riot» խմբի անդամներին հարկավոր է ազատ արձակել. Մեդվեդև

Ռուսաստանի վարչապետ Դմիտրի Մեդվեդևը հայտարարել է` ինքը հավատացած է, որ «Pussy Riot» պանկ խմբի երկու անդամներին, ում տարել էին կանանց գաղութներ խուլիգանության համար, հարկավոր է ազատ արձակել, հաղորդում է Agence France-Presse-ը:

«Եթե ես լինեի դատավորը, ես նրանց բանտ չէի ուղարկի: Ես պարզապես դա ճիշտ չեմ համարում, որ նրանք ազատազրկման դատապարտվեն: Նրանք արդեն բավական երկար ժամանակ եղել են բանտում»,-նրա խոսքն է մեջբերել РИА «Новости» լրատվական գործակալությունը:

Հիշեցնենք, որ խմբի երկու անդամները՝ Մարիա Ալյոխինան և Նադեժդա Տոլոկոննիկովան, դատապարտվել են 2 տարվա ազատազրկման՝ ուղևորվելով համապատասխանաբար Պերմի և Մորդովայի կանանց ուղղիչ աշխատանքային գաղութներ այն բանից հետո, ինչ նրանց մեղավոր են ճանաչել կրոնական ատելությամբ պայմանավորված խուլիգանության մեջ:

Խմբի երրորդ անդամը՝ Եկատերինա Սամուցևիչը, պայմանական ազատության մեջ է:

Մասնագիտությամբ իրավաբան Մեդվեդևը այս մեկնաբանութունները կատարել է՝ պատասխանելով երիտասարդների հարցերին, ովքեր հաղթել էին դպրոցական առարկաներից անցկացվող մրցաշարերում:

Ի հակադրություն դրան` նախագահ Վլադիմիր Պուտինը վճռից առաջ նշել էր, որ ինքը հավատացած է՝ դատարանը ճիշտ որոշում է ընդունել: