Իմ ողջ ուշադրությունը և կենտրոնացումը մի գաղափարի շուրջ է. Սիրուշո

Սիրուշոն իր պաշտոնական էջում գրառում է կատարել և տեղեկացրել իր երկրպագուներին, որ ինքը ներկա չի լինելու Լուժնիկիում կայանալիք համերգին, չնայած համերգի գովազդային հոլովակում նշվում է նաև նրա անունը. «Նոյեմբերի 3-ին Մոսկվայի «Լուժնիկի» համերգասրահում տեղի է ունենալու մեծ համերգ, որին մասնակցում են ռուս ճանաչված արտիստներ: Ինչպես երևի թե նկատել եք գովազդներից, այս համերգին հրավիրված էի մասնակցելու նաև ես, սակայն քանի որ ինձ մոտ այժմ նկարահանումների խիտ շրջան է, ես չէի կարողանալու լինել Մոսկվայում և մասնակցել համերգին: Այս մասին մինչև հասցրեցի տեղյակ պահել կազմակերպիչներին՝ գովազդն արդեն պտտվում էր: Առհասարակ իմ ելույթների ու գործունեության վերաբերյալ հստակ տեղեկություն կարող եք ստանալ իմ պաշտոնական էջերից»:

Ի դեպ, օրեր առաջ երգչուհին արդեն կիսվել էր իր ֆեյսբուքյան էջում այն մասին, որ աշխատում է նոր տեսահոլովակի վրա, ուստի շատ քիչ ազատ ժամանակ ունի. «Երևի արդենք գիտեք, որ նկարահանում ենք տեսահոլովակ: Երեկ նկարահանման երրորդ օրն էր: Արդեն մեկ ամիս է, ինչ շնչելու ժամանակ չունեմ. իմ ողջ ուշադրությունը և կենտրոնացումը մի գաղափարի շուրջ է, որը ինձ շատ խորն է ոգեշնչել: Այդ գաղափարը վերածվում է երաժշտության, պատկերի և շարժման. բավականին բարդ աշխատանք և միևնույն ժամանակ շատ հաճելի: Հուսով եմ կստացվի ճիշտ մատուցել բոլոր պատկերացումներս...»: