Ռայան Գոսլինգը անակնկալ է մատուցել խուլ երեխաներին

Քանի դեռ Բրեդ Փիթը գումարներ է նվիրաբերում միասեռականների ամուսնությունների համար՝ նրա գործընկեր Ռայան Գոսլինգը օգնության ձեռք է մեկնում լսողությունից զուրկ մարդկանց:

Արտիստն ընդմիջել է իր նկարահանումները, որպեսզի կարողանա մասնակցել Տեխասի խուլերի համար նախատեսված դպրոցներից մեկում կայանալիք բարեգործական միջոցառմանը։

Նշենք, որ Ռայանի դպրոցում ներկա գտնվելը անակնկալ էր ոչ միայն աշակերտների, այլև միջոցառման կազմակերպիչների համար: Նրանք գիտեին, որ դերասանը Տեխաս է եկել, սակայն անգամ չէին կարող ենթադրել, որ վերջինս կհայտնվի միջոցառմանը:

Ռայանը բոլորին զարմացրել է իր քաղաքավարությամբ և սիրալիրությամբ: Նա մեծ սիրով շփվել և լուսանկարվել է հյուրերի հետ: Միջոցառման շրջանակներում հավաքված ողջ հասույթը տրամադրվել է  հատուկ դպրոցում սովորող աշակերտների կարիքների համար: