Iranian Diplomacy. Ձեռնտու են արդյոք Իրանի դեմ պատժամիջոցները Չինաստանին, Ռուսաստանին և Օբամային

Վերջին լուրեր 3 Նոյեմբեր, 2012 2:20

Միջազգային ասպարեզում քննարկվող արդի թեմաներից մեկը ԵՄ-ն՝ Իրանի նկատմամբ պատժամիջոցներ կիրառելու մասին որոշումն է, գրում է «Iranian Diplomacy» շաբաթաթերթը:

Քաղաքագետներին հուզում են հետևյալ հարցերը.

1. Կան արդյո՞ք այս էմբարգոյից հաղթողներ և պարտվողներ:

2. Արդյո՞ք Իրանը հանդես է գալիս տնտեսական անհաջողակի դերում թե ոչ։

3. Կբերի արդյո՞ք նավթի գների բարձրացումը վերջին հաշվով Եվրոպային ավելի մեծ կորուստների

Այստեղ կարծիքները կիսվում են. անհնար է հասկանալ՝ ով է պարտվել, սակայն միանշանակ հաղթանակ են տարել Չինաստանը և Ռուսաստանը: Շատերը կարծում են, որ այս պատժամիջոցներից ամենամեծ օգուտը քաղել է Չինաստանը. համարվում է, որ նավթ ներմուծող երկիրը «ծախել է» իրեն Եվրամիությանը:

Այսօրվա դրությամբ՝ Չինաստանի Ազգային նավթային ցանցն ունի Իրանի հետ նավթային և գազային ոլորտներում հարաբերությունների զարգացման մի քանի ծրագրեր, և չնայած նրան, որ աջակցում է ՄԱԿ ԱԽ № 1929 բանաձևին (2010թ. հունիսի 9-ին ՄԱԿ ԱԽ ընդունեց Իրանի նկատմամբ պատժամիջոցներ կիրառելու մասին բանաձև), այս երկիրը համարվում է Իրանի Հանրապետության նավթի ամենամեծ գնորդը:

Ավելին, ՉԺՀ-ն կարող է օգտագործել այդ գործողություններում իր տարադրամը՝ յուանը, որպեսզի ստիպի Իրանին գնել չինական ապրանքներ՝ նավթի ներմուծումը շարունակելու փոխարեն:

Ռուսաստանը ևս պատրաստվում է օգուտ քաղել ստեղծված իրավիճակից: Այս երկիրը օրական Եվրոպայի երկրներ է մատակարարում 7 մլն բարել նավթ, ինչը նրան դարձնում է սև ոսկու ամենամեծ արտադրողը: Այսպիսով, վառելիքի համաշխարհային գների բարձրացումը ավելացնում է միայն ՌԴ կառավարության եկամուտները:

Եվս մեկը, ում ձեռնտու են Իրանի դեմ պատժամիջոցները՝ համարվում է ԱՄՆ նախագահ Բարաք Օբաման և հենց ԱՄՆ-ն, որը, հենց Օբամայի սպասումների համաձայն պետք է կանխեր տարածաշրջանում աճող լարվածությունը և նվազագույնի հասցներ անհանգստություններն, առ այն որ Իսրայելը կհարձակվեր Իրանի միջուկային կետերի վրա:

Վերջին զարգացումների պարագայում ակնհայտ է դառնում, որ նավթային էմբարգոյի միակ տուժածները Եվրոպայի բնակչությունն է: Եվրոպացիները թանկ են վճարում Իրանի մեկուսացման համար, իսկ պատժամիջոցների կիրառումը շատ վատ է անդրադառնում նրանց տնտեսության վրա:

Իրանական թերթը ուշադրությունը հրավիրում է այն հանգամանքի վրա, որ նավթի համաշխարհային գների բարձրացումը տեղի է ունենում նավթային մթերքների՝ ինչպիսիք են օրինակ բենզինի և դիզելի հաշվին: Հետևաբար արտադրության վրա կատարվող ծախսերը ավելանում են, իսկ սպառողական ապրանքների գները բարձրանում: