Ֆիլմ Հայոց ցեղասպանության մասին հնդիկ ռեժիսորի կողմից
Վերջին լուրեր
Հայտնի հնդիկ ռեժիսոր Շեխար Կապուրը մտադիր է ֆիլմ նկարահանել Հայոց ցեղասպանության մասին. գրում է realbollywood.com կայքը:
Ինչպես տեղեկանում ենք կայքից, ֆիլմը պատմելու է Անատոլիայում (այժմ՝ Թուրքիա), փոքրամասնություն կազմող հայերի նկատմամբ Օսմանյան Թուրքիայի կողմից կատարված և պարբերաբար կրկնվող տեղահանությունների մասին Համաշխարհային պատերազմի ընթացքում և դրանից հետո:
Հայերը բնակություն են հաստատել Անատոլիայում դարեր առաջ մինչև այն պահը, երբ Օսմանյան Թուրքիան 1514թ. գրավեց Կովկասի տարածաշրջանում գտնվող նրանց փոքր երկիրը: Այս իրադարձությունները, որ հայերը բնութագրում են ցեղասպանություն եզրույթով, մեկից մեկուկես միլիոն հայի մահվան պատճառ են հանդիսացել:
Կապուրը վերջերս հայտարարել էր, որ պատրաստվում է մեկնել Երևան՝ այդ առիթով նյութեր հավաքելու: Նրա խոսքերով՝ միտքն իր մոտ ծագել է «Մոտոցիկլավարի օրագրերը» ֆիլմի սցենարի հեղինակից:
«Դա համաշխարհային պատմության մի մասն է, չնայած շատ ամոթալի»,-նշել է հայտնի հնդիկ ռեժիսորը:
Այնուամենայնիվ, ֆիլմի նկարահանումները չեն սկսվելու առնվազն մեկ տարուց. հայտնել է Կապուրը, ով դեռ պատրաստվում է սկսել աշխատանքներն իր երկար սպասված կինոնկարի՝ ջրային պատերազմների մասին պատմող «Պաանի» վրա:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
