Foreign Policy. Ի՞նչ կլիներ եթե ողջ աշխարհը կարողանար մասնակցել ԱՄՆ-ի ընտրություններին

Անկասկած, հարցումները կարող են ցույց տալ, որ աշխարհը չի հետևում 2012թ. ԱՄՆ-ի ընտրություններին այնքան չափով, որքանով որ հետևում էր 2008թ. նախագահական արշավին, երբ մեծ ժողովրդականություն վայելող Բարաք Օբաման իր ճանապարհին էր՝ փոխարինելու հասարակական համակրանք չվայելող Ջորջ Բուշ կրտսերին. գրում է Foreign Policy-ն: Այսպես օրինակ, հոկտեմբեր ամսվա ընթացքում անցկացված հարցման արդյունքում պարզվեց, որ Ռուսաստանի 40%-ը նույնիսկ չգիտի, որ ԱՄՆ-ի ընտրությունները տեղի են ունենում այս տարի:

Բայց դա բնավ չի նշանակում, որ նրանց ընդհանրապես չի հետաքրքրում ընտրությունների արդյունքը: «Գելապի» անցկացրած վերջին հարցման արդյունքում, որը կատարվել է 26.000 կանանց և տղամարդկանց շրջանում 32 երկրներում, պատասխանողների 62%-ը նշել է, որ ԱՄՆ-ի նախագահը մեծ կամ շատ մեծ ազդեցություն ունի իրենց կյանքի վրա, և 42%-ը նշել է,որ նրանց կարծիքով իրենք պետք է իրավունք ունենան ընտրելու այս տարի հենց վերոնշյալ պատճառից ելնելով:

Այսպիսով, ինչպիսի՞ տեսք կունենար, եթե ողջ աշխարհն իրոք կարողանար ընտրել: Կարճ պատասխան՝ ոչ այլ ինչ, քան շատ հարթ մրցակցություն. 32 երկրներում անցկացված հարցման համաձայն՝ Օբամային նախընտրում են 31 երկրներում, ինչպես նաև BBC-ի՝ 21 երկրներում անցկացրած հարցման համաձայն՝ 20 երկրներում: Այսպես, առաջին հարցման համաձայն՝ պատասխանողների 51%-ը նշել է, որ կընտրեր Օբամային, 18%-ը ոչ մեկին էլ չէր ընտրի, իսկ միայն 12%-ը կընտրեր Ռոմնիին: Իսկ ահա BBC-ի հարցման համաձայն՝ 50%-ը կընտրեր Օբամային, 9%-ը՝ Ռոմնիին:

Այս արդյունքները ցույց են տալիս, որ աշխարհը խենթանում է Օբամայի համար և անտարբեր է Ռոմնիի հանդեպ. այսպես, ֆրանսիացիները պաշտպանում են Օբամային, մինչդեռ պակիստանցիները երկու թեկնածուներին էլ, իսկ մյուս երկրները գտնվում են մեջտեղում: Եթե մենք բարդացնենք ընտրությունները՝ օգտագործելով ամերիկան քաղաքականության lingua franca-ն, ահա թե ինչպես մենք կբաշխեինք համաշխարհային ընտրազանգվածը:

Կարմիր պետություններ. Իսրայելը միակ «կարմիր» պետությունն է այս ընտրություններում։ Մի շարք հարցումների համաձայն՝ իսրայելցիների գրեթե կեսը հանդես է եկել Ռոմնիի կողմից։

Կապույտ երկրներ. Ֆրանսիան ԱՄՆ-ին ամենաշատ աջակցող եվրոպական պետությունն է, «կապույտ երկրների» թվին են պատկանում մասնավորապես Դանիան, Ֆինլանդիան, Գերմանիան, Իսլանդիան, Իռլանդիան, Շվեդիան, Շվեյցարիան, Նիդեռլանդները, Իտալիան, Չեխիայի Հանրապետությունը և Միացյալ Թագավորությունը: