«ՀԺ». Ախպեր, մի բան արա...

Նախօրեին «Ակբա կրեդիտ ագրիկոլ» բանկի Արտաշատի մասնաճյուը պայթեցնելու մասին սպառնալիքը հնչեցնելու մեղադրանքով ձերբակալված Արարատի մարզի Հովտաշեն գյուղի բնակիչ Աշոտ Սիմոնյանը երեկ ստորագրությամբ ազատ է արձակվել։ Այս մասին թերթին հայտնել են ոստիկանության լրատվության և հասարակյնության հետ կապերի բաժնից։

Հիշեցնենք, որ ինչպես ավելի վաղ տեղեկացրել էինք, տղամարդը սպառնացել է բանկը պայթեցնել այն պատճառով, որ այդտեղից վերցրած վարկերը չի կարողանում մարել։ Հայտնել էինք նաև, որ այն գյուղացիները, ումից բանկը ներկայումս այդ վարկը գանձում է, Սիմոնյանին միշտ հորդորել են. «Ախպեր, մի բան արա, մենք էլ կսնանկանանք»։