Մեքենան հարվածել է «Մերսեդեսին», որն էլ վրաերթի է ենթարկել 3 քաղաքացու

Նոյեմբերի 3-ին, ժամը 08.52-ին ահազանգ է ստացվել, որ Արարատի մարզի Նոր Խարբերդ գյուղում`մանկատան մոտ, տեղի է ունեցել ՃՏՊ, կան տուժածներ. Անհրաժեշտ է բուժօգնություն:

ԱԻՆ-ից տեղեկացնում են, որ դեպքի վերաբերյալ տեղեկացվել են «1.02» և «1.03» ծառայությունների հերթապահները:

Դեպքի վայր է մեկնել մեկ մարտական հաշվարկ: Դեռևս չպարզված հանգամանքներում անհայտ մակնիշի և պետհամարանիշի ավտոմեքենան բախվել է «Մերսեդես ml600» մակնիշի 85nm555 պետհամարանիշով ավտոմեքենային (վարորդ Վ.Շահինյան ծնվ. 1967թ.), վերջինս էլ վրաերթի է ենթարկել 1991-ին ծնված Լուիզա Բաղրամյանին, 1991-ին ծնված Զավեն Բաղջյանին և 1966-ի ծնված Վարուժան Շահինյանին: Լ. Բաղրամյանը տեղափոխվել է «էրեբունի» բկ, առողջական վիճակը գնահատվել է ծայրահեղ ծանր, իսկ Վ. Շահինյանը և Զ. Բաղջյանը` Մասիս քաղաքի բկ, առողջական վիճակը գնահատվել է բավարար: