Բռնապետերին ստիպում են փոխվել, զիջել կամ նահանջել. Լևոն Զուրաբյան

ՀԱԿ համակարգող, ԱԺ ՀԱԿ խմբակցության ղեկավար Լևոն Զուրաբյանը, գնահատելով Վերաքննիչ դատարանի որոշումը, ասաց, որ իր համար միանգամայն սպասելի էր դատարանի վճիռը։

Անդրադառնալով լրագրողներից մեկի այն հարցին, թե Սերժ Սարգսյանը հայտարարում է, որ ցանկանում է արդարադատություն իրականացնել, Զուրաբյանն ասաց. «Այդքան միամի՞տ եք։ Հինգ տարվա մեջ դուք տեսե՞լ եք արդարություն Հայաստանում, որ հիմա ենթադրում եք, որ նա կարող է փոխվել։ Մարդիկ չեն փոխվում, բռնապետերը չեն փոխվում։ Բռնապետերին ստիպում են փոխվել, զիջել կամ նահանջել»։

Հիշեցնենք, որ երեկ Վերաքննիչ դատարանում դատավորը մերժեց ՀԱԿ ակտիվիստ Տիգրան Առաքելյանի փաստաբան Վահե Գրիգորյանի միջնորդությունը Տիգրան Առաքելյանի խափանման միջոցը փոխելու և վերջինիս ազատ արձակելու մասին։