«Ժողովուրդ». ՔՊ պատգամավորները ակտիվորեն մասնակցելու են քարոզարշավին, Փաշինյանի մասնակցության հարցը դեռ քննարկվում է
Հայկական Մամուլ
«Ժողովուրդ» օրաթերթը գրում է .««Քաղաքացիական պայմանագիր» կուսակցությունում այս օրերին ակտիվորեն քննարկվում է ավագանու ընտրությունների քարոզարշավում Նիկոլ Փաշինյանի մասնակցության հարցը:
Թերթի տեղեկություններով՝ Նիկոլ Փաշինյանը, ինչպես նաեւ ՔՊ-ում մեծամասնությունը հակված են, որ վարչապետն անձամբ մասնակցի քարոզարշավին, թիմակիցների հետ շրջի Երեւանի փողոցներով եւ քաղաքացիներին կոչ անի քվեարկել Տիգրան Ավինյանի օգտին, մինչդեռ կուսակցությունում մի մասն էլ կարծում են, որ Փաշինյանի մասնակցությունը, հնարավոր է, լրիվ հակառակ ազդեցություն ունենա:
Թերթի իշխանական աղբյուրները փոխանցում են, որ բոլոր պատգամավորները ակտիվորեն մասնակցելու են քարոզարշավին. հիմա բաժանումներ են անում, թե որ պատգամավորը որ վարչական շրջանում է քարոզարշավ անելու:
«Ժողովուրդ» օրաթերթը դիմեց ՔՊ նախընտրական շտաբ՝ պարզելու՝ ովքեր են իրականացնելու քարոզարշավը, արդյոք Նիկոլ Փաշինյանն անձամբ մասնակցելու է դրան։
«Քարոզարշավի ֆորմատը նոր ենք որոշում, նոր ենք սկսել աշխատանքները, իսկ վարչապետի մասնակցությունը դեռ քննարկվում է»,- ասացին շտաբից»:
Մանրամասները՝ թերթի այսօրվա համարում:
ՈՒՂԻՂ ԵԹԵՐ
Ամենադիտված 
Ռուբլին թանկացել է․ փոխարժեքն՝ այսօր
