Իլոն Մասկը հայտնել է Ցուկերբերգի հետ մենամարտի վայրը

Ամերիկացի գործարար Իլոն Մասկը սոցցանցերի իր էջում հայտնել է, որ Մարկ Ցուկերբերգի հետ իր մենամարտը կկայանա Իտալիայում։

«Մենամարտը կազմակերպելու է իմ հիմնադրամը և Ցուկերբերգի հիմնադրամը (ոչ թե UFC-ն): Հեռարձակումը կլինի Twitter և Meta հարթակներում: Այն ամենը, ինչ կհայտնվի տեսախցիկի առջև, կպատկերի հին Հռոմը, ուստի ոչ մի ժամանակակից բան չի լինի: Ես խոսել եմ Իտալիայի վարչապետի և մշակույթի նախարարի հետ։ Նրանք պայմանավորվել են էպիկական վայրի շուրջ։ Ամբողջ հասույթը կտրամադրվի վետերաններին»,- գրել է Մասկը։

Մասկը և Ցուկերբերգը պայմանավորվել են մենամարտել խառը մենամարտերի (MMA) կանոններով 2023 թվականի հունիսին։ Ultimate Fighting Championship (UFC) ղեկավար Դանա Ուայթը հայտարարել է, որ ինքը կկազմակերպի մենամարտը՝ հավելելով, որ եթերի վաճառքից ստացված շահույթը կարող է գերազանցել 1 միլիարդ դոլարը։

Օգոստոսի 4-ին ՏԱՍՍ-ը հայտնեց, որ UFC-ի նախկին չեմպիոն Խաբիբ Նուրմագոմեդովը հրաժարվել է Իլոն Մասկին պատրաստել Մարկ Ցուկերբերգի դեմ մենամարտին։