Իրանը Թուրքիայի երրորդ խոշորագույն բիզնես-գործընկերն է

Ըստ վերջին վիճակագրական տվյալների՝ Իրանը Թուրքիայի երրորդ խոշորագույն բիզնես-գործընկերն է 2012 թվականի ընթացքում. հաղորդում է Press TV-ին։ Թուրքիայի վիճակագրությունների ինստիտուտի տվյալների համաձայն՝ Թեհրանի և Անկարայի միջև առևտրի մակարդակը 2012 թվականի առաջին 8 ամսվա ընթացքում կազմել է 17.52 մլն դոլար։ Տվյալ շրջանում Թուրքիան Իրանից ներմուծել է 8.94 մլն դոլարի ապրանքներ, իսկ Իրան արտահանել է 8.58 մլն դոլարի ապրանք։

Նշենք, որ Իրանից Թուրքիա ապրանքների արտահանման ամենաբարձր ցուցանիշը գրանցվել է 2012-ի մարտ ամսին և կազմել 1.63 միլիարդ դոլար։ Մինչդեռ Թուրքիայից Իրան ապրանքների արտահանման ամենաբարձր ցուցանիշը գրանցվել է 2012 թվականի հուլիս ամսին և կազմել 2.15 մլրդ դոլար։

Իրանը և Թուրքիան վերջին տարիների ընթացքում կտրուկ բարձրացրել են երկրների միջև առևտրային կապերի մակարդակը։ Համատեղ առևտրի մակարդակը 2000 թվականին կազմել է 1 մլրդ դոլար, սակայն 2012 թվականին այն բարձրացել է մինչև 15 մլրդ։ Երկու երկրներն էլ ձգտում են մինչև 2015 թվականը բարձրացնել երկկողմանի առևտրի մակարդակը՝ հասցնելով 3О միլիարդի։