Ադրբեջանը Վագիֆ Խաչատրյանի կեղծ լուսանկարներ է տարածում․ ՀՀ ՄԻՊ

Ադրբեջանական լրատվամիջոցներում տարածված՝ իբր Լեռնային Ղարաբաղի բնակիչ Վագիֆ Խաչատրյանի՝ Արցախյան առաջին պատերազմի շրջանի լուսանկարում իրականում բոլորովին այլ մարդ է պատկերված։ Այս մասին հայտնում են Մարդու իրավունքների պաշտպանի գրասենյակից։

Նշված լուսանկարը, ինչպես եւ ադրբեջանական մեդիատարածքում տարածվող շատ այլ լուսանկարներ, հավաքագրվել եւ վերլուծվել են ՄԻՊ գրասենյակի կողմից։ Այս լուսանկարով էլ Ադրբեջանը ապատեղեկատվություն էր տարածում։