90-ականների չորս սուպերմոդելներ հայտնվել են Vogue-ի շապիկին

90-ականների սուպերմոդելներ Քրիստի Թարլինգթոնը, Սինդի Քրոուֆորդը, Նաոմի Քեմփբելը և Լինդա Եվանգելիստան լուսանկարվել են ամերիկյան և բրիտանական Vogue-ի սեպտեմբերյան շապիկի համար։ Այս մասին ասվում է ամսագրի կայքում։

Թոփ մոդելների ոճավորման ապատասխանատուն է եղել բրիտանական Vogue-ի գլխավոր խմբագիր Էդվարդ Էննիֆուլը, ով շուտով կլքի իր պաշտոնը՝ դառնալով Vogue-ի գլոբալ ստեղծագործական և մշակութային խորհրդատուն: Սուպերմոդելներին լուսանկարել է Ռաֆայել Պավարոտին։

«Ամսագրի վերջին սեպտեմբերյան համարում ես ցանկանում եմ նշել այս առիթը չորս կանանց հետ, ովքեր ավելի քան երեք տասնամյակ սահմանել են հենց նորաձևության գաղափարը», - ասել Էննիֆուլը:

Նաոմի Քեմփբելը, Սինդի Քրոուֆորդը, Լինդա Եվանգելիստան և Քրիստի Թարլինգթոնն առաջին անգամ միասին են հայտնվել բրիտանական Vogue-ի 1990 թվականի հունվարի համարի շապիկին։ Սուպերմոդել Տատյանա Պատիցն այդ ֆոտոսեսիայի ժամանակ լուսանկարվել էր նրանց հետ։