Շարմ էլ Շեյխում կանխվել է խոշոր ահաբեկչություն բրիտանացիների դեմ

Եգիպտոսի հատուկ ծառայությունները ձերբակալել են «Ալ Քաիդա»-ի 5 ահաբեկչի, ովքեր հարձակում էին նախապատրաստում հայտնի Շարմ էլ Շեյխում հանգստացող բրիտանացիների վրա։ Ահաբեկչությունը պետք է իրականացվեր կաթոլիկների Սուրբ ծնունդի տոնի նախօրեին և դառնար 2008 թվականին Մումբաիում ահաբեկչությունների շարքի նման, որի հետևանքով զոհվել էր 166 մարդ. հաղորդում է Daily mail-ը:

Հաղորդվում է նաև, որ ահաբեկիչները պատրաստվում էին հարձակում իրականացնել մեկ կամ մի քանի հյուրանոցների վրա, որտեղ հանգստանում էին զբոսաշրջիկները Բրիտանիայից։ Ահաբեկիչները ձերբակալվել են Եգիպտոսի և Գազայի հատվածի սահմանին։

Ձերբակալվածների մոտ հայտնաբերվել և առգրավվել է մեծ քանակությամբ զենք։