Հայաստանում Չեխիայի դեսպանը ցավակցություն է հայտնել ողբերգական ավտովթարի զոհերի ընտանիքներին
Հասարակություն
«Խորը ցավով տեղեկացա այսօր Գյումրի-Երևան ավտոճանապարհին տեղի ունեցած ողբերգական ավտովթարի մասին, որի հետևանքով կան զոհվածներ և վիրավորներ»,- Ֆեյսբուքի իր էջում ցավակցություն է հայտնել Հայաստանում Չեխիայի հանրապետության դեսպան Պետր Պիրունչիկը:
«Իմ և Երևանում Չեխիայի դեսպանության ողջ անձնակազմի անունից մեր խորին ցավակցությունն ենք հայտնում զոհվածների ընտանիքներին և հարազատներին, իսկ վիրավորներին՝ շուտափույթ ապաքինում»,- գրել է դեսպանը:
Հիշեցնենք՝ 11 մարդ է զոհվել, շուրջ մեկ տասնյակը վնասվածքներով տեղափոխվել հիվանդանոց, գիշերը Երևան-Գյումրի ավտոճանապարհի 90-րդ կիլոմետրին տեղի ունեցած ողբերգական ավտովթարի հետևանքով:
Ըստ նախնական տեղեկությունների՝ տուժած քաղաքացիները Արևմտյան Հայաստանից էին վերադառնում Երևան:
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
