Շակիրան և Դրեյքը սիրավեպի մասին խոսակցությունների տեղիք են տվել

Կատարողներ Շակիրան և Դրեյքը մի քանի րոպե տարբերությամբ լքել են Հոլիվուդի երեկույթը։ Այդ մասին գրում է Daily Mail-ը։

Աղբյուրը Daily Mail-ին հայտնել է, որ 46-ամյա կոլումբիացի երգչուհին և 36-ամյա կանադացի ռեփերը հեռացել են երեկույթից «իրարից մի քանի րոպե տարբերությամբ»։ Դրեյքը հեռացել է միջոցառումից՝ ձեռքին մի բաժակ գինի բռնած։

Ֆուտբոլիստ Ժերար Պիկեի հետ ամուսնալուծությունից հետո Շակիրային անընդհատ նոր սիրավեպեր են վերագրում։ Հուլիսին Շակիրան շշուկներ առաջացրեց ամերիկացի բասկետբոլիստ Ջիմի Բաթլերի հետ հարաբերությունների մասին: Զույգը լուսանկարվել էր Լոնդոնի Novikov ռեստորանում ռոմանտիկ ընթրիքի ժամանակ։

Հունիսի վերջին պապարացիները հայտնել էին, որ Շակիրան ծրագրել է ռոմանտիկ արձակուրդ Կարիբյան կղզիներում Լյուիս Հեմիլթոնի հետ։ Նրանց սիրավեպի մասին առաջին խոսակցությունները հայտնվեցին 2023 թվականի մայիսին։ Զույգին բռնացրել էին Մայամիի Cipriani ռեստորանում ժամադրության ժամանակ։