44-ամյա տղամարդը ցած է նետվել 6-րդ հարկից

Այսօր՝ նոյեմբերի 3-ին, ինքնասպանություն է տեղի ունեցել Երևանում: Մամիկոնյանց 31/1 շենքի բնակիչ, 44-ամյա Արթուր Հովհաննիսյանը ինքնասպանության նպատակով շենքի 6-րդ հարկից ցած է նետվել և տեղում մահացել: Այս մասին Lurer.com-ի հետ զրույցում ասացին Ոստիկանության հասարակայնության հետ կապերի և լրատվության վարչությունից:

Այս պահին դեպքի վայրում աշխատում են Ոստիկանության քննչական գլխավոր վարչության Երևանի քննչական վարչության Արաբկիրի բաժնի քննիչները: