ՀՀ անվտանգության մասին առաջին ձեռքից կարծիքներ են լսել․ ԱՄՆ դեսպանը՝ Սենատի աշխատակիցների այցի մասին

ԱՄՆ Սենատի արտաքին հարաբերությունների հանձնաժողովի աշխատակազմի ներկայացուցիչներ Սառա Արքինին և Դեմյան Մերֆիին հայաստանյան այցի ընթացքում ներկայացվել են Հայաստանում անվտանգային իրավիճակը և խաղաղության վերաբերյալ հեռանկարները, X-ի սոցհարթակում գրել է ԱՄՆ դեսպան Քրիստինա Քվինը, փոխանցում է Ամերիկայի Ձայնը: Ըստ դեսպանի՝ 

«Այս շաբաթ կայացավ ԱՄՆ Սենատի արտաքին հարաբերությունների հանձնաժողովի աշխատակիցներ Սառա Արքինի և Դեմյան Մերֆիի կարևոր այցը: Շահագրգիռ կողմերի հետ իրենց հանդիպումներում, այդ թվում ՝ մարզերում, նրանք առաջին ձեռքից արժեքավոր կարծիքներ են լսել Հայաստանում անվտանգության հետ կապված իրավիճակի և խաղաղության հաստատման հեռանկարների վերաբերյալ»,- նշել է դեսպան Քվինը։

Մեկ այլ առանձին գրառման մեջ էլ ԱՄՆ դեսպանությունը տեղեկացրել է, որ «ԱՄՆ Սենատի արտաքին հարաբերությունների հանձնաժողովի աշխատակիցներ Սառա Արկինը և Դամիան Մերֆին Երևանում հանդիպել են Հայաստանի կառավարության ներկայացուցիչների հետ, այդ թվում՝ Ազգային անվտանգության խորհրդի քարտուղար Արմեն Գրիգորյանի, Ազգային ժողովի փոխնախագահ Ռուբեն Ռուբինյանի և փոխարտգործնախարար Պարույր Հովհաննիսյանի հետ, ինչպես նաև Հայաստանի քաղաքացիական հասարակության ներկայացուցիչների և ԱՄՆ փոխանակման ծրագրի շրջանավարտների հետ` հայ-ամերիկյան երկկողմ գործընկերությունը և տարածաշրջանում անվտանգության հետ կապված իրավիճակը քննարկելու համար»:

Այս թեմայով Թուրքիան տարաձայնություններ ունի ԱՄՆ-ի հետ․ Էրդողան ԱՄՆ-ն կոչ է անում իր քաղաքացիներին անհապաղ լքել Լիբանանը ԱՄՆ-ի Փիթսբուրգ քաղաքը սեպտեմբերի 21-ը հայտարարել է «Հայաստանի ազգային օր» Հայաստանը հայտնի է որպես առաջին քրիստոնյա պետություն․ այն նաև աշխարհի հնագույն քաղաքակրթություններից է․ ՀՀ-ում Ֆրանսիայի դեսպան Հայաստանը հայտնի է որպես առաջին քրիստոնյա պետություն․ այն նաև աշխարհի հնագույն քաղաքակրթություններից է․ ՀՀ-ում Ֆրանսիայի դեսպան