Հիվանդանոց է տեղափոխվել 11 ամսական երեխայի դի․ սպանության հատկանիշներով քրվարույթ է նախաձեռնվել

Shamshyan.com-ի տեղեկություններով՝օգոստոսի 13-ին, ողբերգական դեպք է տեղի ունեցել Արարատի մարզում: 

Ժամը 22:30-ի սահմաններում ոստիկանության Արտաշատի բաժին «Արտաշատ» բժշկական կենտրոնից ահազանգ է ստացվել, որ իրենց մոտ է տեղափոխվել երեխայի դի։

Աղբյուրի հաղորդմամբ՝ ոստիկաններն ու քննիչները պարզել են, որ մահացածը 11 ամսական Ն․ Ա.-ն է, ով նույն օրը՝ ժամը 22:00-ի սահմաններում, հարազատների կողմից «Արտաշատ» բժշկական կենտրոն տեղափոխելու ճանապարհին մահացել է։

Դեպքի փաստով Արարատի մարզային քննչական վարչությունում սպանության հատկանիշներով նախաձեռնվել է քրեական վարույթ։

Դատաբժշկի նախնական եզրակացության համաձայն՝ արտաքին զննությամբ դիակի վրա բռնության հետքեր չեն հայտնաբերվել։ Քննիչի որոշմամբ նշանակվել է դիակի դատաբժշկական փորձաքննություն։