«Երբեք չեմ եղել իդեալական»․ Լյուսի Հայրապետյանի լողազգեստով ֆոտոշարքը

Մոդել Լյուսի Հայրապետյանը գայթակղիչ լուսանկարներ է հրապարակել Մալդիվներում անցկացրած իր հանգստից։ Կադրերում մոդելը ներկայացել է լողազգեստով՝ կեցվածք ընդունելով օվկիանոսի ֆոնին։

Հրապարակմանը կից գրառման մեջ Լյուսին խոստովանել է, որ երբեք իրեն իդեալական չի համարել։

«Երբեք չեմ եղել իդեալական ու չեմ էլ փորձել ու չեմ էլ ուզումմմ :) Ասեմ ավելին, փախչում եմ, զզվում եմ իդեալականներից: Սիրում եմ դժվարներին, անտանելիներին, աննորմալներին, չհասկացվածներին, ահավորներին..., սիրում եմ թերությունները :)) Չնայած, թերություն բառն ինքնին թերություն է ինձ համար, որովհետև չկան թերություններ...

Չեմ համապատասխանել կարծիքներին ու կարծրատիպերին՝ թիկունքում թե անթաքույց, չեմ կարողացել ձևական սեր կամ սիրալիր վերաբերմունք ցույց տալ, երբ տանել չեմ կարողացել բնավորություն, քայլ կամ վարվելաձև, ապրել եմ ազնիվ ու հանգիստ խղճով, որովհետև ինքս ինձնով եմ կառուցել իմ ամեն դժվար ու մանր աստիճանը՝ հաղթահարելով անհաշվելի ցավեր, վախեր, կորուստներ, տագնապներ, արցունքներ...
Դրա համար գժվում եմ, երբ ուզում են ինձ կյանք ու կյանքի ճիշտ սովորեցնել :) Անտանելի՞ եմ, անհասկանալի՞, սիրելի՞ եմ, լա՞վը, յուրահատու՞կ... Մերսի :)

Բայց գիտեք ինչ, էնքան երջանիկ ու ուրախ եմ, որ կարող եմ ամեն պահ ինձ թույլ տալ ինքնուրույն որոշում կայացնելու ու ուզածս քայլին գնալու շքեղությունը, որ շատերին տրված չէ ինձ անհասկանալի պատճառաբանություններով: Շնորհակալ եմ, որ այն քչերից եմ, ովքեր տեսնում են կյանքի թաքնված գույները՝ շատերին անտեսանելի: Երջանիկ եմ, որ ամեն անգամ սիրում եմ
ավելի ու ավելի ուժգին՝ մոռանալով անցյալի հիասթափությունները... Քույրս միշտ զարմանում է վերջինիս վրա, ես էլ՝ հաճախ»,- գրել է մոդելը։