Արսեն Թորոսյանի և Անահիտ Ավանեսյանի «կենաց մահու» պայքարը՝ եկամտաբեր հաստիքի համար

Ծաղիկ Վարդանյանը վերականգվել է Առողջապահության նախարարության պետական առողջապահական գործակալության պետի պաշտոնում։ Այս մասին նա հայտնել է իր ֆեյսբուքյան էջում՝ կից ներկայացնելով առողջապահության նախարար Անահիտ Ավանեսյանի հրամանը:

Հիշեցնենք, որ Առողջապահության նախարարության Պետական առողջապահական գործակալության պետ Ծաղիկ Վարդանյանն ազատվել էր աշխատանքից անցյալ տարի: Նրան հայտարարվել էր երկու խիստ նկատողություն, որից հետո Անահիտ Ավանեսյանը նրան աշխատանքից ազատել էր։ Վարդանյանը դիմել էր դատարան՝ վիճարկելով Անահիտ Ավանեսյանի որոշման օրինականությունը։ Դատարանը որոշում է կայացրել վերջինիս իր պաշտոնում վերականգնելու և վնասը փոխհատուցելու մասով։

Այդ պաշտոնը  Ծաղիկ Վարդանյանը զբաղեցնում էր 2017 թվականից, իսկ մինչ այդ Բժշկական օգնության քաղաքականության վարչության պետն էր:

Սակայն, ամենաուշագրավն այս պատմության մեջ թերևս այն է, որ Ծաղիկ Վարդանյանը հանդիսանում է առողջապահության նախկին նախարար Արսեն Թորոսյանի մարդը համակարգում և նրա հեռացումը բավական ձեռնտու էր գործող նախարար Անահիտ Ավանեսյանին, ով Վարդանյանի փոխարեն փաստացի իր յուրայինին էր նշանակել այս պաշտոնում: Ասել, որ այդ լծակը նախարարությունում ամենաեկամտաբերն է ՝ նշանակում է ոչինչ չասել, և հենց դրանով է պայմանավորված երկու ՔՊ-ականների պայքարը տվյալ պաշտոնում յուրայինին նշանակելու համար: Կմնա Վարդանյանը այդ պաշտոնում, թե ոչ՝ դեռ պարզ չէ, ակնհայտ է, որ Անահիտ Ավանեսյանն էլ իր հերթին այդպես հեշտ չի հանձնվելու;  Սրանով է պայմանավորված նաեւ նախարարության աշխատողների շոկը, որն առաջացրեց նախկին պաշտոնյայի վերականգնումը բարձր պաշտոնում, նրա նկատմամբ գերնեգատիվ վերաբերմունքը, այն, որ նույնիսկ նախկին աշխատասենյակը չեն տրամադրել պաշտոնին վերականգնված Ծաղիկ Վարդանյանին՝ տալով նրան, իր իսկ բնորոշմամբ՝ «օձերով ու մկներով լի կաբինետ», փաստացի ծաղրելով նրան։

Այս թեմայով Էլինա Ավանեսյանը պարտվեց, Կարեն Խաչանովը դուրս եկավ 1/4 եզրափակիչ Էլինա Ավանեսյանը WTA-1000 կարգի մրցաշարում հաջողությամբ հաղթահարել է 2-րդ շրջանը Հայաստանում առաջին անգամ ցուցադրվեցին Անահիտ աստվածուհու բրոնզաձույլ գլուխն ու ձեռքը Հայաստանում առաջին անգամ ցուցադրվեցին Անահիտ աստվածուհու բրոնզաձույլ գլուխն ու ձեռքը Այսօր տեղի կունենա Անահիտ աստվածուհու բրոնզաձույլ արձանի ցուցահանդեսը